Trajneri i Kastriotit, Elvis Plori në një prononcim për Supersport është shprehur se ndeshja ishte e çmendur, pasi për mënyrën sesi ka shkuar loja, por që në fakt golin e kanë pësuar për një gabim të pafalshëm.
“Kur mbaroi pjesa e parë do isha i kënaqur me barazimin, por më pas u bë një ndeshje e çmendur. Pësuam nga një pakujdesi e pafalshme. Laçi është një skuadër e mirë, por më bëri entuziast loja. Kjo ishte një zgjidhje e momentit.
Ishte lojë që të kishte entuzuazëm dhe prandaj luajta me 2 sulmues. Ndryshimet në mbrojtje ishin të domosdoshme. E kemi menduar që në fillim e dimë se Kastrioti do e ketë shumë të vështirë. Kam një skuadër që mund të marr më të mirën”.
