Chelsea ishte shumë i ngadaltë në lëvizje dhe pasime gjatë barazimit 0-0 ndaj West Ham sipas David Luiz. Mbrojtësi brazilian ka pranuar se paraqitjes së Bluve ditën e diel i mungonte dinamizmi që i ka karakterizuar në pesë ndeshjet e para të fituara në Premier League.
“Patjetër që jemi të zhgënjyer,” shprehet Luiz për faqen zyrtare të klubit. “Nuk luajtëm një ndeshje të mirë, nuk krijuam shumë. “Ishim të ngadaltë, prandaj nuk arritëm të shënonim gol. Mendoj se nuk luajtëm në nivelin tonë të dielën dhe prandaj nuk fituam.
“E dimë se shumë ekipe do të luajnë ndaj nesh në këtë mënyrë, me një prapavijë të tërhequr mbrapa dhe me kundërsulme, kështu që nuk kishte shumë hapësira, por jemi ne ata që duhet të gjejmë një zgjidhje.
Liverpool? Do të luajmë ndaj një skuadre fantastike, kështu që duhet të jemi gati për të dyja ndeshjet.”
