Pasioni dhe tifozllëku në shtëpinë Bonuçi nuk është aspak i kushtëzuar dhe këtë e konfirmon më së miri babai juventin, me djalin e tij të madh, Lorenco, i cili është një simpatizant i “kushërinjve” të urryer bardhezinj, Torinos.
Dhe për të mos i shkelur kurrsesi ëndrrat e tij, Leonardo ka vendosur që t’i plotësojë dëshirën Lorencos (i lindur në vitin 2012, kur babai i tij festonte titullin e parë me Juven) dhe ta regjistrojë në radhët e “demave”, ku 6-vjeçari ëndërron që një ditë të luajë me fanellën e idhullit të tij, Andrea Beloti, bomberit të Torinos. Për më shumë, vetë Bonuçi e ka shoqëruar Lorencon në ditën e parë të grumbullimit, në qendrën stërvitore “Granata”.
