Eden Hazard u transferua nga Çelsi tek Real Madridi këtë verë, por mesa duket belgu akoma mendon për “Blutë e Londrës”.
Ditën e djeshme sulmuesi është fotografuar teksa mban në dorë telefonin e tij, por e veçanta është se në telefonin e tij shihen 3 djemtë e 28-vjeçarit, me bluzën e Çelsi. Hazard është akoma në mendjet e tifozëve të Çelsit, por mesa duket edhe ai vetë e ka në mendje skuadrën londineze.
Sulmuesi tashmë ka filluar aventurën e re me Realin, dhe pritshmëritë janë të mëdha se ai do të arrijë të shkëlqejë me madrilenët, por ai kurrë nuk e harron të kaluarën e tij në Angli.
Belgu po zhvillon përgatitjet parasezonale me spanjollët, ku ka shafqur dyshime mbi formën e tij fizike, teksa stërvitjen e zhvillon gjithmonë krahas Bejl. Por kjo ndodh edhe sepse me uellsianin, mund të komunikojë anglisht.