Milani fitoi ditën e djeshme me shifrat 1-4 në fushën e Sasuolos, por një episod që nuk kaloi pa u komentuar, ishte ai mes incidentit që pati mesfushori Frenk Kesi, me Kevin Princ Boateng, që më parë ka mbajtur edhe veshur fanellën e kuqezinjve.
Të dy ata patën një përplasje në një moment të ndeshjes, por ndërhyrja e lojtarëve të tjerë bënë që gjakrat të qetësohen. Në lidhje me këtë incident, është vetë ganezi Boateng, që nëpërmjet një postimi në Instagram sqaron gjithçka.
“Lojë e fortë mbrëmë, urime Milanit. Ndonjëherë bëhemi shumë emocionalë në fushë. Nuk kam asgjë tjetër, veçse dashuri për këtë përbindëshin e mesfushës” – shkruan Boateng në drejtim të Kesit.
