Chelsea është ngjitur përkohësisht në krye të kampionatit anglez pasi fitoi 3-0 në fushën e Southampton. Londinezët kanë një pikë më shumë se Manchester City dhe Liverpool, që do të ndeshen me njëra-tjetrën, sot pasdite në “Anfield Road”.
Kur u mbush gjysmë ore lojë, Eden Hazard konfirmoi momentin e shkëlqyer, që po kalon duke realizuar golin e shtatë në Premier, ku është golashënuesi më i mirë, pas pasimit të marrë nga Barkley.
Ky i fundit shënoi golin e dytë për Chelsea, me portën e boshatisur, pas pasimit akrobatik Olivier Giroud, që mund të fitojë çmimin “asisti i sezonit”.
Ross Barkley bëhet futbollisti i parë anglez që shënon një gol dhe jep një asist brenda një ndeshje, që pas Frank Lampard në dhjetor 2013 kundër Sunderland. Goli i tretë u firmos nga Alvaro Morata, i shërbyer nga “mjeshtri” Eden Hazard, në minutën e fundit të ndeshjes.
Eden Hazard’s well taken goal. pic.twitter.com/Dfrkpy4ccA
— 🇧🇪 (@FlicksLikeEden) October 7, 2018
