Mario Giuffredi, agjenti i shqiptarit të Napolit Elseid Hysaj, në një prononcim për “Radio Marte”, ka folur rreth klientit të tij dhe kritikat e marra pas disa ndeshjeve zhgënjyese të lojtarit. Përveç kësaj, agjenti i shqiptarit ka zbuluar edhe një detaj në lidhje me merkaton e verës, kur mbrojtësi u kërkua vazhdimisht nga disa klube të mëdha evropiane, Chelsea mbi të gjitha.
” Ata që kritikojnë Hysajn, janë njerëz që mendojnë se janë perfektë, por ne jemi njerëz të zakonshëm. Në merkaton e verës, ai mund të kalonte te Chelsea, por vetëm klauzola e futbollistit e mbajti te Napoli. Njerëzit harrojnë se Elsi ishte ndër më të mirët në pozicionin e tyre, ndërsa mjaftojnë vetëm 2-3 ndeshje të këqija që të ta cilësojnë si të padobishëm… Unë gjithmonë jam i mendimit se përgjigjen më të mirë e jep fusha “.
