Djaloshi Muhamet Ramadani po shkëlqen në sportin e hedhjes së gjykes. 16-vjeçari ka thyer rekordin e hedhjes së gjyles për Kosovën në Lojërat Olimpike për të rinj që po mbahet në Buenos Aires të Argjentinës.
Ai ka përmirësuar rezultatin nga 18.32 m në 18.53 m. Nga 15 konkurentë që morën pjesë, ai kapi vendin e nëntë, por nëse vazhdon me rezultatet pozitive ai mund ta arrijë dhe vendin e pestë, një rezultat shumë i mirë për Kosovën dhe djaloshin.
Ramadani përgatitet për fazën e dytë të garës të hënën e ardhshme. Nëse ai përmirëson rezultatet në vijim, në një të ardhme të afërt 16-vjeçari mund të vjelë arritjet e para serioze në karrierë.
