Belgjika ka zgjedhur për herë të parë në histori një kryebashkiak me ngjyrë – i cili është Pierre Kompany që është babai i yllit të Manchester Cityt Vincent Kompany.
Pierre Kompany kryesoi anketën për komunën e Ganshoren në Bruksel, duke u zgjedhur kryetar i bashkisë.
Kompany ka emigruar në Belgjikë në vitin 1975 si një refugjat nga Republika Demokratike e Kongos.
Futja e tij në Politikë u bë në vitin 2006 si këshilltar dhe u ul në parlamentin rajonal të Brukselit në vitin 2014.
Por ai është ndoshta më i njohur për djemtë e tij të famshëm. Vincent Kompany është kapiteni i klubit anglez në Premier League Manchester City.
Ndërkohë, djali tjetër i tij, Francois, luan për KSV Roeselare.
Të dy vëllezërit e uruan babanë e tyre përmes një postimi në Instagram.
“Ai është kryebashkiaku i parë me ngjyrë në Belgjikë – kjo nuk ka ndodhur kurrë më parë, është historike … urime babait tim!” shkruan Vincent Kompany.
