Në merkaton e verës, transferimi i Santiago Arias nga PSV Eindhoven tek Atletico Madridi u cilësua si një lëvizje e zgjuar e spanjollëve. Por deri në këtë fazë të sezonit, kolumbiani duket se nuk ka dhënë atë që pritej në “Wanda Metropolitano” dhe zërat për një largim të tij që në merkaton e janarit janë shtuar ndjeshëm.
Arias, përpara se të transferohej në Madrid, ishte një objektiv konkret i italianëve të Napolit, të cilët në fund u dorëzuan përballë konkurrencës së “Los Cholconeros”. Zërat e fundit të merkatos e shikojnë Napolin si një nga destinacionet e mundshme të 26-vjeçarit në janar, edhe pse nga gara nuk duhen përjashtuar edhe anglezët e West Hamit.
