Piero Volpi, mjek përgjegjës i Inter, ka folur në “Avvenire” për dëmtimet e shumta të pësuara nga Fenomeni Ronaldo, gjatë karrierës së shkurtër dhe shumë të kufizuar të brazilianit.“Ronaldo pati dozën e tij shumë të madhe të fatkeqësisë sa i përket incidenteve, por në të njëjtën kohë them se mund të administronte shumë më mirë stilin e tij të jetesës”, deklaroi mjeku Volpi.
“Ai kishte aftësi natyrale të jashtëzakonshme dhe shpesh bazohej shumë dhe ekskluzivisht aty. Kirurgjia ortopedike aktuale mund ta kishte ndihmuar sigurisht që të rikuperohej më me shpejtësi dhe ta bënte të qëndronte për më gjatë në fushë në nivele të larta”, rrëfeu mjeku i njohur i Inter.
