Dortmund ka arritur një fitore spektakolare 4-0 mbrëmjen e djeshme në Ligën e Kampionëve ndaj Atletiko Madridit.
Kjo përkon edhe me humbjen më të thellë të trajnerit Simeone në krye të kryeqytetasve spanjollë.
Ai e ka drejtuar Atletikon për 360 ndeshje dhe nuk i kursen lëvdatat për gjermanët.
“Borusia më mahniti, luajtën në mënyrë praktike, dinamike dhe evituan mbajtjen e tepruar të topit. Nuk më mbetet gjë tjetër veçse t’i përgëzoj sepse janë në rrugë shumë të mirë dhe duhet ta ruajnë këtë stil loje. Nuk e mendojmë garën për vendin e parë apo të dytë. Të presim dhe të shohim sepse janë edhe 3 takime për të luajtur. Objektivi ynë është të kualifikohemi”, përfundoi tekniku argjentinas.
Atletiko ka 6 pikë pas 3 takimesh dhe ndodhet në vendin e dytë pas Dortmundit që udhëheq me 9 pikë.
Vendi i tretë dhe i 4-t ndahet nga Monako dhe Bruzh, respektivisht me nga 1 pikë.
