Xherdan Shaqiri tregoi në fundjavë se nëse i jepet besimi i duhur, në fushë ai flet si yll i vërtetë.
Forma e mirë e yllit shqiptar të Zvicrës e ka bërë median prestigjioze britanike “Sky Sports” të hapë një sondazh për “Blerjen më të mirë të merkatos në kampionatin anglez Premier League”.
Shaqiri renditet i dyti pas shokut të skuadrës të Liverpoolit, Alisson Becker, duke lënë pas Jorginhon, Ryad Mahrez etj. Pavarësisht se nuk ka luajtur rregullisht me të kuqtë, Shaqiri ka bërë maksimumin në çdo moment duke hedhur kandidaturën për vend në formacionin titullar të nënkampionëve të Europës.
