Shiu, era dhe uji që kishte dalë në rrugë për shkak të rritjes së nivelit të detit nuk ka ndalur organizatorët e maratonës së Venezia që të zhvillonin këtë event edhe pse niveli i ujit në disa pjesë të garës ishte gati deri në gju dhe pengonte vrapuesit. Maratona e zhvilluar në Venezia ishte më së shumti një garë nën ujë, thuajse një disiplinë e re sportive, me atletët të detyruar të vrapojnë edhe pse shiu e era i pengonte gjatë gjithë kohës.
E sikur të mos mjaftonte kjo edhe uji kishte vërshuar në rrugë, në disa vente deri në 30 centimetra, duke u bërë pengesë për garuesit. Organizatorët kishin ndryshuar disi itinerarin e garës, duke evituar vrapimin në zonën e famshme të Sheshit San Marco. Për sa i përket garës, ajo u fitua nga atleti etiopian Mekuant Ayenew Gebre, me kohën 2h13’23″, ndërsa për femra triumfoi atletja keniane Angela Jemesunde Tanui.
