Cristiano Ronaldo është një ndër lojtarët më të mirë në dekadës së fundit, por largimi i tij nga Reali i Madrid për te Juventusit befasoi të gjithë botën futbollistike dhe la pas shumë pikëpyetje të pasqaruar. Në një intervistë për “France Football”, sulmuesi portugez i Juventusit ka folur për lamtumirën nga skuadra madrilene duke fajësuar Fiorentino Perez, por edhe mbi akuzat për përdhunim. Së fundmi ai është akuzuar për përdhunimin e një femre, çështje e cila duket se ka shqetësuar jo pak familjen e tij dhe u përfol për një ndarje të mundshme me Georginën. Këtë e zbulon vetë Ronaldo:
“Unë i kam shpjeguar gjithçka partneres time Georginës, sepse djali im Cristian Jr është shumë i ri për të kuptuar. Ato që vuajtën më shumë janë nëna ime dhe motrat, sepse janë shqetësuar, por në të njëjtën kohë edhe janë zemëruar. Është hera e parë, që nëna ime është ndodhur në një situatë të tillë”, – ka përfunduar Ronaldo.
