Këtë të diel u luajt klasikja e futbollit paraguajan mes Olimpias dhe Cerro Porteño-s, sfidë e vlefshme për Primera División në Paraguai, që përfundoi 2-2, mes një deti polemikash, për 2 kartonë të kuq, vonesa loje pa fund dhe 13 minutash shtesë.
Olimpia fitoi titullin praktikisht, duke barazuar në shtesë, sepse me 5 ndeshje të mbetura ka 7 pikë avantazh nga Cerro Porteño e vendit të dytë.
Megjithatë, lajmi nuk ishte ky, sepse golin e parë të ndeshjes në minutën e 16-të e shënoi Fernando Ovelar. Kush është ky? Askush, do thoni, por nëse sheh pasaportën e lojtarit, mbetesh pa fjalë.
😲 AMAZING 😲
Last night, at the age of just 14 years and 9 months, Fernando Ovelar became the youngest ever goalscorer in the Paraguayan Clasico between Cerro Porteno and Olimpia. pic.twitter.com/Af9dQDuvaA
— WeLoveBetting (@WeLoveBettingUK) November 5, 2018
Fernando Ovelar është vetëm 14 vjeç dhe luajti ndeshjen e dytë në karrierë, në harkun e një jave. Sulmuesi i ri kishte partner në sulm argjentinasin Diego Churin, shënuesi më i mirë në ekip, 28 vjeç, i cili me siguri është ndjerë shumë plak kur ka parë në krah një “fëmijë” që nuk lejohet as të firmosë kontratë profesioniste dhe sapo ka nisur shkollën e mesme.
Të shënosh një gol në një ndeshje të tillë është një ëndërr, por ta bësh në moshën 14-vjeçare është matanë ëndrrës, hyn në historitë e filmave të pamundur në realitet.
Rekord në Paraguai, për moshën e re, por jo rekord botëror, sepse Mauricio Baldivieso në Bolivi ka debutuar në moshën 12-vjeçar, ndërsa shënuesi më i ri është Freddy Adu, kur shënoi në moshën 14-vjeçare për DC United në Amerikë. Më pas Adu u bë superstar, por si futbollist dështoi totalisht kur pritej të pushtonte botën. Ndosht Ovelar duhet të bëjë kujdes dhe të menaxhohet më mirë…
