Fabio Borini shprehet se Milan ka vuajtur pasi skuadrat kundërshtare nuk i lënë të luajnë dhe është e vështirë për t’i thyer.
Kampionati deri tani nuk ka kaluar ashtu siç ishte menduar dhe skuadra e ka pasur të vështirë të shënojë gola.
“Kemi kaluar një javë intensive në stërvitje, atmosfera është pozitive dhe do të rinisim me objektivin për të bërë më shumë nën drejtimin e trajnerit të ri,” shprehet Borini për Sky Sport Italia.
“Problemi është se skuadrat kundërshtare e dinë që përballen me Milan, kështu që nuk na lënë të luajmë dhe si pasojë është e vështirë t’i thyejmë.
“Gjithashtu kemi shumë lojtarë të rinjë në Serie A, e cila është shumë ndryshe nga kampionatet e tjerë dhe do t’u duhet pak kohë për t’u adoptuar.”
Borini mbërriti te Milan si sulmues, por së fundmi ka luajtur si mbrojtës i djathtë.
“Padyshim që pozicioni i ri ndikon te golat e shënuar, dhe nëse nuk filloj të godas portën nga 50 metra distancë do të jetë e vështirë…”