Mesfushori shqiptar Enis Bardhi është bërë protagonist në La Liga duke i shënuar Atletiko Mardidit në përballjen me Levanten.
26-vjeçari u tregua i saktë nga pika e 11-metërshit në minutën e 37-të duke barazuar rezultatin 1-1 pasi Atletiko kishte kaluar më herët në avantazh me Grizmanin.
Bardhi është rikthyer pas 6 ndeshjeve i dëmtuar duke u bërë menjëherë protagonist me skuadrën e tij. Ky është sezoni i pestë i mesfushorit me Levantën, i cili është një ndër lojtarët më të mirë të ekipit spanjoll. 26-vjeçari u lidh dhe me një kalim te skuadra e Milanit këtë verë, por qëndroi te Levante aty ku po shkëlqen.
