Ish-legjenda e Chelseat, Didier Drogba, i ka dhënë fund futbollit të luajtur.
Lajmi është bërë i ditur nga vetë Drogba përmes rrjetit social Twiter.
Ai ka postuar një shkrim duke i falënderuar fansat, familjen dhe bashkëlojtarët gjatë karrierës së tij.
Ndeshja e fundit e Drogbas me Phoenix Rising ishte në finalen e USL-së kundër Louisville Cityt e cila përfundoi 1-0.
“Nëse dikush të thotë se ëndrrat e tua janë shumë të mëdha, vetëm thuaju faleminderit dhe puno më shumë për t’i bërë ato realitet”, ka thënë në postimin e tij Drogba.
Drogba spikati si futbollist i madh te Chelsea, duke fituar gjithçka me këtë klub.
Sulmuesi nga Bregu i Fildishtë ka fituar një herë Ligën e Kampionëve, katër tituj të Premierligës dhe katër tituj të FA Cup.
