Azerbajxhani u shkatërrua nga Kosova në Ligën e Kombeve me rezultatin 4-0, në ndeshjen që foli e gjitha për “Dardanët” të cilët siguruan kualifikimin për më tej.
Sulmuesi azer Ruslan Gurbanov ka folur për median vendase “azerisport.com”, në lidhje me humbjen e pësuar në “Fadil Vokrri” të Prishtinës.
27-vjeçari i lindur në Rusi, në deklaratën e tij ka lëshuar vrer ndaj shtetit të Kosovës që sipas tij Azerbajxhani bën mirë që nuk e njeh. Gurbanov i ka quajtur tifozët kosovarë si njerëz të egër.
1505144263
“Përkundër gjithçkaje, gjithmonë duhet të jeni njerëz, t’i respektoni vlerat e një vendi tjetër. Fakti që himni i Azerbajxhanit u fishkëllye në Kosovë tregon se ata nuk e respektojnë kundërshtarin. Shteti i Azerbajxhanit po bën gjënë e duhur, që nuk e njeh Kosovën, sepse ata nuk janë shtet, por të egër”, u shpreh 27-vjeçari
