Klubi i Atletico Madridit konfirmoi se viti 2018 është mbyllur për sulmuesin Diego Costa, pas një dëmtimi që ai pësoi në këmbën e majtë në sfidën e fundjavës ndaj Gironas. Braziliani i natyralizuar si spanjoll do t’i nënshtrohet një ndërhyrjeje kirurgjikale dhe pritet që të mungojë për rreth 2 muaj.
Sipas parashikimeve të mjekëve, ish-sulmuesi i Chelsea pritet të rikthehet në fushë jo më parë se muaji shkurt i vitit të ardhshëm. Në këtë sezon, Diego Costa ka luajtur në 15 takime dhe ka shënuar gjithsej 4 gola, 2 prej të cilëve në finalen e Superkupës së Europës ndaj Real Madridit.
