Mbrojtësi i Manchester United, Matteo Darmian mund të largohet nga klubi që në merkaton e janarit, duke konsideruar faktin që nuk po gjen hapësira aktivizimi. Pikërisht në këtë kuadër, sipas raportimeve nga tabloidi britanik “The Sun”, Inter është shumë pranë ish-futbollistit të Torinos, 29-vjeçarit Darmian. Në verën e vitit 2018 zikaltërit tentuan që të marrin në huazim futbollistin, por përpjekja u refuzua dhe vëmendja e interistëve u përqendrua te transaksioni “Vrsaljko”.
Por tani, drejtuesit zikaltër rikthehen sërisht tek objektivi veror, duke përfituar edhe nga fakti që kësaj here Darmian është bindur edhe nga vetë trajneri portugez i Manchester United, që të largohet nga klubi. Shifra që do të duhet të shpenzojë Inter për blerjen e Darbian është përllogaritur të jetë 9 milionë euro. Këtë sezon Darmian është aktivizuar në vetëm 3 ndeshje me United.
