Pele ka fituar tre herë Kupën e Botës dhe ka shënuar pa fund, edhe pse shpesh debatohet nëse kanë vlerë golat në kampionatet e fshatrave në Brazil. Thonë që është më i madhi i historisë, por le të biem dakord që Pele është ndër më të mëdhenjtë që futbolli ka pasur ndonjëherë.
Problemi është se Pele, ashtu si Maradona e shumtë të tjerë, nuk janë të zotë me fjalë ashtu si ishin me këmbë. Legjendari brazilian foli ditët e fundit për Messi-n dhe lëshoi një deklaratë që të lë pa fjalë: “Si mund të bëhet krahasimi Pele-Messi? Messi përdor vetëm njërën këmbë, ka vetëm një talent dhe nuk di të godasë mirë me kokë, unë i bëja të gjitha.
That’s…an opinion 🤔 pic.twitter.com/vLdMZyfGQm
— B/R Football (@brfootball) December 6, 2018
“Maradona apo Messi? Maradona ka qenë shumë herë më i mirë në kohën e vet, edhe Beckenbauer apo Cruyff”.
Fjalë që kanë ngjallur debate të egra, pasi në fund të fundit pyetja e thjeshtë do ishte: Nëse ky zotëria, Messi, qenka kaq i kufizuar, si dreqin nuk ka dalë asnjë mbrojtës apo ekip i aftë ta ndalë rregullisht?
Tani një tjetër ish-futbollist legjendar, anglezi Gary Lineker, i ka dhënë Peles përgjigjen perfekte, duke evidentuar gjykimin kontradiktor të brazilianit.
“Nëse kjo është mënyra si i gjykon futbollistët, atëherë kriteri duhej të ishte i njëjtë edhe për Maradonën. Gjepura!”.
If this is how you judge players then the same would apply to Maradona. Utter nonsense. https://t.co/IeJMpJqtU4
— Gary Lineker (@GaryLineker) December 6, 2018