Manchester City vijon të investojë tek talentet dhe lojtarët e rinj, ndaj trajneri Pep Guardiola është gati të sjellë në Premier League 21-vjeçarin turk Cengiz Under, që luan në Serinë A me skuadrën e Romës. Për të mbyllur këtë transferim, skuadra kampione e Anglisë është gati të paguajë 55 milionë euro, për të evituar konkurrencën që rrethon talentin e kombëtares turke (Under ka një rrogë të ulët te Roma).
Lajmi është konfirmuar nga e përditshmja britanike “Daily Express”, sipas së cilës transferimi pritet të kryhet verën e ardhshme. Under ka një kontratë 5-vjeçare me Romën, e cila skadon në verën e vitit 2023, por shumë prej 55 milionë eurosh mund të bindë verdhekuqtë që të lënë të lirë lojtarin. Për Under (38 ndeshjen e 9 gola me Romën) kanë shfaqur interes edhe mjaft ekipe të tjera në Premier, si Tottenham, Arsenal e Chelsea.
