Barcelona është e dëshpëruar për të gjetur një sulmues për faktin e vetëm se pas largimit të Munir El Haddadi, Luis Suarez është i vetëm në majë të sulmit dhe në rast të një dëmtimi të tij Valverde do mbetej pa një 9-sh.
Për këtë, katalanasit kanë shënjestruar një sërë lojtarësh, ku së fundi emri më i pëlqyer është ai i Fernando Llorente, i cili ka kontratë me Tottenham deri në fund të këtij sezoni. Spanjolli konsiderohet një lëvizje e mirë për faktin se e njeh kampionatin spanjoll dhe trajneri Valverde ka punuar edhe më herët me të dhe ia di karakteristikat.
Për më tepër, senatorët e katalanasve, Sergio Busquets, Jordi Alba, Gerard Pique edhe Leo Messi kanë marrëdhënie të mira me 33-vjeçarin, që e takuan personalisht edhe në përballjen me Tottenham në Champions League.
