Juventus ka mundur 1-0 Milanin në finalen e Superkupës së Italisë dhe Gonzalo Higuain, i aktivizuar në pjesën e dytë, ka qenë protagonist pas përfundimit të takimit.
Argjentinasi, në fakt, ka patur një debat të ndezur me arbitrin e ndeshjes, Banti-n. Është dashur ndërhyrja e lojtarëve të Milan dhe e ish-kuqeziut Bonucci për t’i ndarë.
“Pipita”, i cili flitet se është shumë afër transferimit te Chelsea, ka qenë protagonist i një episodi të ngjashëm në ndeshjen e kampionatit të luajtura mes këtyre dy skuadrave 11 nëntorin e kaluar.
Ai takim, i fituar 2-0 nga Juventus, ka qenë për t’u harruar për sulmuesin kuqezi, i cili ka humbur një penallti dhe është ndëshkuar me karton të kuq.
— ilditonellocchio (@ditonellocchio) January 16, 2019
