Në ligat përkatëse garohet për titullin kampion, por mes tyre, në ato më të rëndësishmet në Europë, ekziston edhe një luftë tjetër e ashpër, për të ditur se kush është shënuesi më i mirë në kontinentin tonë. Kjo garë është bërë më e nxehtë se kurrë.
Pas ndeshjes së luajtur nga Barcelona kundër Leganes, Messi shfrytëzoi avantazhin ndaj Mbappe dhe tashmë ka 18 gola. Salah ka dy gola më pak se ylli i Barçës dhe një më pak se francezi. Të shtunën, të dyja skuadrat, PSG dhe Liverpool jetuan një pasdite mbresëlënëse.
Kampioni francez mori hak ndaj Guingamp, ekipit që e eliminoi nga Kupa e Ligës. Fitorja e jashtëzakonshme 9-0 i shërbeu edhe Kylian Mbappé për të shënuar dhe ngjitur përkohësisht në krye të tabelës për “Këpucën e Artë”, me 17 gola. Një ditë më pas, atë e parakaloi pesë herë fituesi i “Topit të Artë”, Leo Messi.
Në vendin e tretë të këtij klasifikimi shfaqet Mohamed Salah, me 16 gola. Egjiptiani, me pak fat, shënoi një dopietë kundër Crystal Palace në fitoren e të tijve për të mbetur lider të Premier League.
