Mesfushori dhe kapiteni i Kombëtares U-21 është duke treguar vazhdimësi dhe formë të mirë në Spanjë. I aktivizuar si gjithmonë në formacionin titullar me skuadrën e dytë të Atletikos, shqiptari i ka hapur udhë kthesës së ndeshjes për ekipin e tij.
Në momentin që Vajadolid B ka qenë në avantazh minimal, Bare ka fituar një 11-metërsh pasi ka bërë mirë në hyrje të zonës me disa driblime.
Në këtë episod, skuadra kundërshtare ka mbetur në inferioritet numerik dhe Atletiko Madrid B ka barazuar takimin. Në fund, Atletiko ka shënuar golin e dytë dhe autor ka qenë lojtari Moja, i cili ka zëvendësuar Baren në minutën e 78-të.
