Cesar Azpilicueta ka zbuluar se lojtarët e Chelsea dhe trajneri Maurizio Sarri folën si burrat gjatë debatit që ndodhi në dhomën e zhveshjes pas disfatës së turpshme ndaj Bournmeouth.
The Cherries kanë shkatërruar 4-0 Blutë e Londrës në Vitality Stadium. Sarri i ka kërkuar stafit teknik të largohen nga dhoma e zhveshjes në mënyrë që ai të flasë i vetëm me skuadrën, por prapëseprapë ka pranuar se nuk e dinte shkakun pse skuadra e tij nuk luajti në fushë.
“Pas ndeshjes, ne lojtarët folëm si burrat me trajnerin,” shprehet Azpilicueta për faqen zyrtare të klubit.
“Jemi shumë të inatosur. Është e papranueshme për Chelsea-n dhe duhet të gjejmë një zgjidhje.
“Të pësosh katër gola është e papranueshme, dhe jemi shumë të inatosur me këtë gjë. Prisnim një rezultat tjetër.
“Ne folëm dhe në tre ditë kemi një ndeshje tjetër. Tani lufta për vendin e katërt është shumë e fortë. Dy javë më parë ishim në pozicion më të favorshëm.”
