Është e vështirë të deshifrosh të ardhmen e Ivan Rakitic. Sezonin e ardhshëm te Barcelona do të zbarkojë Frenkie De Jong dhe mund të jetë pikërisht kroati ai që do t’i lërë vendin holandezit.
Mbi mesfushorin kroat ekziston prej kohësh interisimi i skuadrave të Premier League, si Chelsea dhe Manchester United.
Gjithsesi, sipas raportimeve të El Chiringuit, Rakitic ka mbi tavolinë edhe një ofertë nga ana e Inter. Klubi zikaltër i Seria A është i gatshëm të ofrojë një shifër të konsiderueshme parash për të siguruar shërbimet e mesfushorit.
Për momentin vullneti i Rakitic është që të vazhdojë të mbajë veshur fanellën e Barcelonës, sepse ndjen se ka në anën e tij besimin e stafit, me në krye trajnerit Ernesto Valverde.
