VAR ka qenë protagonist në ndeshjen e luajtur mesditën e sotme mes SPAL-it dhe Fiorentina-s. Dhe episodi i verifikuar në Ferrara pritet të krijojë shumë diskutime.
Kur ndeshja ka qenë 1-1, vendasit kanë kaluar në avantazh me Valoti-n, stadiumi ka shpërthyer në festë, por ka ardhur ndërhyrja e VAR-it. Aksioni ka qenë i rregullt, por nën hetim ka përfunduar një kontakt në zonën e rreptësisë së SPAL-it, që ka ndodhur para golit të vendasve.
Arbitri Pairetto ka parë kontaktin mes Felipe-s dhe Chiesa-s dhe ka akorduar penalltinë. Rezultati? Goli i SPAL-it është anuluar dhe Veretout ka transofrmuar penalltinë.
Ky episod ka ndryshuar takimin dhe i ka dhënë zemër miqve, të cilët kanë shënuar edhe dy gola të tjerë në minutat e fundit me Simeone-n dhe Gersonin.
Nga 2-1 në 1-4.
