Milan ka mposhtur Sassuolo-n me rezultatin e ngushtë 1-0, falë një autogoli nga mbrojtësi Lirola në pjesën e parë, në një ndeshje të vuajtur për “Djallin”.
Një fitore e vështirë, por e madhe për kuqezinjtë, të cilët kanë parakaluar Inter në renditje duke u ngjitur në vend të tretë.
Ku duket se është sezoni i rikthimit të Milan në Champions League, aktualisht skuadra e Gennaro Gattuso-s është duke kaluar një formë fantastike dhe kjo ishte fitorja e katërt radhazi.
Në pjesën e parë Sassuolo ua bëri jetën e vështirë vendasve dhe duhej shtylla apo disa pritje spektakolare të Donnarumma-s që Milan të mos pësonte gol.
Pas pushimit kuqezinjtë luajtën disi më mirë dhe gjithçka u lehtësua pas kartonit të kuq të portierit Consigli (faull si lojtar i fundit ndaj Piatek). Me një lojtar më shumë, milanezët e kishin më të thjeshtë të ruanin avantazhin, si dhe mund të kishin shënuar më shumë gola, por kanë shpërdoruar.
