Radja Nainggolan ka pësuar një dëmtim në pulpë gjatë seancës stërvitore dhe sot i është nënshtruar ekzaminimeve mjekësore me skaner, ku është mësuar se belgu nuk do të jetë i gatshëm për ndeshjen kundër Eintracht Frankfurt për Europa League.
Vlerësimet e kohëzgjatjes së dëmtimit të tij do të bëhen javën e ardhshme, sipas asaj që njoftoi klubi zikaltër. Mirëpo, një dëmtim i tillë kërkon mbi një muaj kohë rikuperim, që do të thotë se Nainggolan nuk do jetë i gatshëm për dy sfidat në Europa League ndaj skuadrës gjermane, po ashtu humb edhe derbin me Milanin.
Me situatën e vështirë që ndodhet në kampin zikaltër, për shkak të çështjes Icardi dhe renditjes në kampionat, tani Spalletti duhet të bëjë llogaritë edhe pa të preferuarin e tij.
