Emri i trajnerit Antonio Conte vazhdon të jetë pjesë e shumë spekulimeve në mediet sportive.
Trajneri italian është pa skuadër që nga koha e largimit nga Chelsea, dhe gjatë kësaj vere pritet të rikthehet në bankinë, në Serinë A, opsionin e parë.
‘Do të kthehem këtë verë, do kërkojë një skuadër projekti i të cilës më përshtatet mua’, ka deklaruar trajneri ditë më parë.
Juventus, Inter dhe Roma, janë konsideruar si opsionet më të mundshme për Conten.
Por, ‘Sky’ raporton se për Conten po interesohet edhe Milan.
‘Kuqezinjtë’ duan të angazhojnë Conten, nëse me Gennaro Gattuson dështojnë të arrijnë një vend që dërgon në Ligën e Kampionëve për sezonin e ardhshëm.
