Barcelona është pranë finalizimit të një tjetër blerje nga Holanda. Bëhet fjalë për talentin Ludovit Reis, i cili është në pronësi të Groningen.
Drejtori i këtij klubi, Hans Nijland deklaroi në një intervistë për “Fox Sport” se finalizimi i marrëveshjes është shumë pranë.
“Nuk është mbyllur ende marrëveshja, por ne jemi duke konsideruar seriozisht kalimin e Reis te Barcelona”, tha Nijland.
Ai pranoi se është takuar dy herë me zyrtarin e Barçës, Jose Mari Bakero, i cili ka qenë në Holandë për të mbyllur transferimin e mesfushorit 18-vjeçar.
Kalimi i Reis te Barcelona do të bëhet për 5-6 milionë euro dhe holandezi me origjinë sllovake do të shkojë direkt tek Barcelona B. Këtë sezon lojtari ka luajtur në 24 ndeshje në Eredivisie me Groningen dhe ka shënuar 1 gol.
