Milani ka shprehur interes për sulmuesin e krahut, Malkolm, që është pjesë e Barcelonës. “Tuttosport” raporton se kuqezinjtë tashmë kanë kontaktuar klubin blaugrana në lidhje me një huazim më të drejtë blerjeje. Bëhet fjalë për një huazimin 1-vjeçar me detyrim blerjeje pas një viti për 40 milionë euro.
Malkolm në fillim të këtij sezonit iu bashkua Barçës nga Bordo për 41 milionë euro, por nuk ka bindur me paraqitjet e tij, duke alternuar momente errësire totale me “spruco” klasi. Gjatë këtij sezoni në Katalunjë, 22-vjeçari ka shënuar 4 gola në 19 ndeshje, teksa me klubin aktual e lidh një kontratë deri në vitin 2023.
Përveç tij, Leonardo po studion edhe Emereson Palmierin, i cili do të ishte përforcimi ideal për krahun e majtë ku Striniç nuk është provuar ende, ndërsa Rodrigez nuk ka karakteristika sulmuese si Palemieri. Rreth 25 milionë euro kosto e anësorit të Çelsit, por për të dy rastet duhet pritur renditja e “Djallit” në fund të sezonit të Serisë A.
