Italiani Francesco Guidolin ishte një nga emrat e përfolur në media për të marrë drejtimin e Kombëtares shqiptare, pas shkarkimit të Christian Panuccit.
Në një rrëfim për “Calciomercato.com”, 63-vjeçari u ndal edhe te Shqipëria, e cila pak kohë më parë zyrtarizoi si trajner Edi Rejën.
“Zgjodhën Rejën dhe jam i lumtur, sepse e meriton që të bëjë sa më mirë. Po, e vërtetë që më kërkuan edhe mua dhe u treguan shumë zotërinj dhe të sjellshëm. Sidomos presidenti Duka, por preferova të prisja për të parë se si do të zhvillohej situata në këtë fazë të sezonit”, u shpreh Guidolin.
