Partizani doli fitimtar nga transferta e javës së 32-të në Vlorë, ku mundi Flamurtarin me shifrat e pastra 0-3.
Nga një gol për secilën pjesë, vendosën këtë takim delikat, ku mungonin Gega dhe Telushi të pezulluar, e për më shumë në një sfidë ku Kukësi i merrte pikët direkt nga takimi me Kamzën.
Sfida nisi me golin e Asanit, që mposhti Koliçin nga brenda zone, me një goditje të fortë me këmbën e djathtë. Ndërkohë, goli i dytë u shënua në pjesën e dytë nga Mensah, në minutën e 52-të.
Flamurtari u përpoq që të bënte diçka për të ngushtuar, por deri në fund nuk arriti dot. Për të hipotekuar gjithçka, mendoi Çinari me një gol të thjeshtë të realizuar në minutën e 90-të.
Tashmë, Partizani mban kryesimin e Superiores me 65 pikë, plot 10 më shumë se Kukësi i vendit të dytë.
