Zëvendës trajneri i Partizani, Dritan Mehmeti, që ishte në krye të pankinës së kuqe sot, me pezullimin e Gegës, foli pas fitores me Flamurtarin, deklaroi:
Fitore 0-3. Titulli diçka e mbaruar?
Duhet të tregohemi profesionistë, dhe të shohim se futbolli ka treguar të papritura. Do festojmë kur ta lejojë matematika.
Festa në derbi?
Do ishte kënaqësi, se luajmë në fushën tonë. Tifozët do na e shpërblejnë me pjesëmarrjen e tyre, por nuk bëjmë llogari të tilla.
Çfarë ndodhi me Trashin para ndeshjes? Si është që të mundësh një dinamovit si Daja?
Trashi është një lojtar me cilësi të jashtëzakonshme, por është gjaknxhetë. E menaxhoi mirë situatën, dhe bëri një paraqitje të mirë. Për sa i përket Dajës, e përshëndes se është kolegu im, kam marrë shumë nga ai. Dhe është një nga trajnerët më të mirë në Shqipëri.
Pse jo Hebaj sot?
Ne menduam që të bëjmë një presing në 1/3 e fushës, për t’i dhënë epërsi Flamurtarit, e ta kapim në kundërsulm. Mala, Mensah dhe Asani janë të shpejtë, dhe e interpretuam në këtë mënyrë lojën. Na dha të drejtë kjo vendosje.
