Skiatori austriak Marcel Hirscher fitoi garën e sllallomit gjigant të zhvilluar në pistën e Garmisch, në Gjermani, garë e vlefshme për Kupën e Botës për meshkuj në ski. Ky është suksesi i 55-të në karrierë për austriakun, që konsolidon pozitat në krye të renditjes, duke hedhur një hap tjetër drejt titullit kampion. Pas dy zbritjesh, ai dha kohën e përgjithshme 2’40”18, duke qenë më i shpejti në pistë.
Në vendin e dytë u rendit patrioti i tij Manuel Feller, ndërsa në të tretin skiatori amerikan Ted Ligety. Për sa i përket renditjes së përgjithshme të Kupës së Botës, Marcel Hirscher ngjitet në kuotën e 1254 pikëve, duke u shkëputur disi nga Henrik Kristoffersen, i dyti me 1030 pikë.
