Feronikeli nuk është ngopur nga titulli kampion, sepse festa ka vazhduar sot, me triumfin në DigitAlb Kupën e Kosovës.
Skuadra e drejtuar nga Zekirija Ramadani ka triumfuar 5-1 në finale ndaj Trepçës ’89, duke dominuar totalisht.
Kastriot Rexha realizoi dy herë, kurse nga njëherë shënuan edhe Astrit Fazliu, Mendurim Hoti dhe Albutrint Morina. Golin e vetëm për Trepçën ’89 e shënoi Arbnor Muja.
Me fitoren e Feronikelit, Prishtina do të marrë pjesë në Ligën e Evropës si nënkampion, një dhuratë e bukur që merr nga rivali që rrëmbeu titullin vetëm pak ditë më parë, duke e mundur në përballjen direkte.
