Është duke u mbajtur në sheshin “Nënë Tereza” festa speciale e Partizanit me rastin e fitimit të titullit kampion pas plot 26 vitesh. Tifozët e kuq kanë filluar të mblidhen në këtë shesh, teksa së shpejt pritet të fillojë edhe koncerti, ku do të jenë të ftuar shumë këngëtarë të njohur.
Organizatorët kanë ngritur dhe një podium ku do të akomodohen edhe kampionët e Kategorisë Superiore. Pritet një show i vërtetë nga ana e tifozëve dhe klubit.
Futbollistët e Partizanit janë duke u përgatitur teksa do të mbërrijnë në destinacion me një autobuz të hapur në oren 22:00. Në shesh nuk mungojnë as ekranët gjigantë, ka ku tifozët mund të ndjekin më me lehtësi gjithë atë çfarë do të ndodhë në skenë.
Atmosferë elektrizuese, autobusi i Partizanit mbërrin në sheshin “Nënë Tereza”.
