Edi Reja ka marrë lajm të keq para në prag të sfidës së 8 qershorit kundër Islandës e vlefshme për eliminatoret në Euro 2020.
Kombëtarja shqiptare këtë të mërkurë zhvilloi seancën e radhës stërvitore, teksa gjatë pasdites 3 lojtarë kanë shfaqur probleme fizike.
Bëhet fjalë për Naser Alijin, i cili gjatë pasdites ka kryer disa ushtrime fizike të lehta veçuar nga pjesa tjetër e grupit.
Për t’u vlerësuar më me kujdes mbetet edhe gjendja e Ledjan Memushaj i cili gjithashtu është stërvitur i diferencuar duke bërë disa vrapime të lehta rreth fushës, ndërsa stafi mjekësor do të japë edhe një përgjigje përfundimtare nëse Memushaj mund të vazhdojë përgatitjet apo do të braktisë grumbullimin.
Egzon Binaku një tjetër lojtar në listën e trajnerit Reja mund të mos i bashkohet ekipit. Mbrojtësi i Norrkoping ka pësuar një dëmtim në pjesën e gjurit dhe një përgjigje përfundimtare do të mund të jepet vetëm pak testeve mjekësore më të detajuara që do të kryejë lojtari.
