U mendua se Barcelona kishte arritur marrëveshjen me Matthijs de Ligt për 75 milionë euro, por jo! PSG është futur në garë dhe i mëshon fort pistës së mbrojtësit. Në kryeqytetin francez duan që të gjejnë zëvendësuesin ideal të Thiago Silvës dhe 19-vjeçari i Ajax-it është emri i duhur.
Agjenti i tij, Mino Raiola, është sot dhe nesër në Paris për të mbyllur marrëveshjen. Përfaqësuesi i 19-vjeçarit ka takuar drejtorin sportiv të PSG-së, Antero, dhe duket se gjërat janë në rrugën e duhur.
Sheiku i PSG-së, Nasser Al-Kelaifi, do me patjetër suksesin në Champions dhe për këtë arsye synon të përforcojë mbrojtjen. Sulmi është me 5 yje, por tani duhet “blinduar” mbrojtja. Raiola do paratë, prandaj dhe afrimi me PSG shihet si një lëvizje tipike e tij.
