Carlo Ancelotti ka kërkuar nga skuadrat tjera që të kenë kujdes ndaj Real Madridit në Ligën e Kampionëve
Real Madrid është eliminuar nga Copa del Rey dhe është 19 pikë mbrapa Barcelonës në garën për titullin e La Ligas.
E vetmja garë ku Reali mund të triumfojë është Liga e Kampionëve dhe sipas ish-trajnerit, Carlo Ancelotti, skuadrat tjera duhet të kenë shumë kujdes.
“Është e vështirë për mua të mendojë se Reali është në krizë, ndoshta lojtarët janë ndalur pak, pasi fituan gjithçka sezonin e kaluar”, tha Ancelotti.
“Por, Liga e Kampionëve është gara e vetme ku Reali mund të fitojë këtë sezon dhe kjo është arsye pse skuadrat tjera duhet të kenë kujdes nga Zidane”, u shpreh ai në fund.
Reali në 1/8 e finales së Ligës së Kampionëve do të takohet me PSG.
