Teuta sot ka mbyllur ditën e 11-të përgatitjeve në Bullgari dhe deri tani gjithçka shkon sipas planit. “Djemtë e detit” vazhdojnë të punojë sipas programit të stafit teknik. Faza përgatitore në Bansko të Bullgarisë është shumë e rëndësishme për nivelin që duhet të arrijë skuadra për kualifikueset europiane dhe kjo ka bërë që futbollistët të jenë në atmosferë pozitive.
Ritmi i stërvitjeve vazhdon të jetë i lartë, skuadra punoj sot me një seanca të kombinuara për akumulim të forcës, kondicionit fizik, pa lënë pas pjesën tekniko-taktike.
Teuta ka qenë një nga skuadrat më aktive në merkaton e verës për të bërë realitet synimet në sezonin e ri që fillojnë me kaliumin e Ventspils, por edhe titulli në sezonin e ardhshëm. Deri më tani janë afruar Darko Nikaç, Albanio Aleksi, Orjan Xhemalaj, Xhonatan Lajthia, Arlind Kalaja, Aleksandër Kuro, Todorovski e Rustem Hoxha.
Ndërkohë që janë larguar Kamara, Bicaj, Hakaj, Vajushi apo dhe Traore. Por, duket se me këtë grup që ka aktualisht në dispozicion, trajneri Blendi Shkëmbi e sheh të kompletuar skuadrën në prag të sfidave europiane. Ndonëse mund të ketë lëvizje të tjera, por vetëm pas Europës.
