Pasi mori Theo Hernandez nga Reali i Madridit, Milani po tenton të “rrëmbejë” edhe talentin e mesfushës, Dani Ceballos, teksa arriti edhe një akord paraprak me “Los Blancos”, për një huazim me të drejtë blerjeje.
Megjithatë situata është komplikuar për kuqezinjtë në orët e fundit, pasi Ceballos bëri një paraqitje të shkëlqyer në Europianin U21 me Spanjën dhe tërhoqi vëmendjen e shumë klubeve, por veçanërisht të Liverpoolit.
Jurgen Klopp po kërkon të marrë sa më shpejt në “Anfield Road” fantazistin 23-vjeçar dhe është gati të paguajë për transferim përfundimtar, gjë që pëlqehet edhe nga Reali i Madridit, që kërkon të rikuperojë para, pas shpenzimeve të shumta në këtë fillim vere.