Kapiteni i Skënderbeut, Marko Radas, gjendet momentalisht pa kontratë tek Skënderbeu, dhe e ardhmja e tij është e dyzuar.
Kroati mesa duket gjendet mes ofertave që i vijnë në drejtim të tij nga klube të tjera, por edhe nga ana tjetër pret vendimin e KAS-it për Skënderbeun, për të pasur më pas një ide më të qartë për të ardhmen e tij.
Por, një foto që “trazon” më shumë ujërat e merkatos, e ka postuar vetë trajneri i Tiranës, Ardian Mema në Instagram. Tekniku bardheblu, që më parë e ka pasur nën urdhrat e tij Radasin, kur ishte zv/trajner i korçarëve, ka postuar një foto ku shihet krah Radasit.
Kjo mund të jetë një “ftesë virtuale” që Mema i bën Radasit, për ta pasur tek Tirana për sezonin e ri, si një përforcim me vlera për mbrojtjen, por tashmë mbetet për t’u parë e ardhmja e kapitenit të Skënderbeut.
