Everton Soares zhvilloi ndeshje shumë të mira me Brazilin në Kupën e Amerikës, dhe kjo ka bërë që në drejtim të tij të vijnë oferta nga skuadrat e mëdha.
Braziliani ishte një nga lojtarët më të mirë në të gjithë kompeticionin, ku së bashku me skuadrën e tij arritën të fitojnë trofeun. Pas paraqitjve të mira, për të erdhën edhe ofertat e para, siç ishin ato të Milanit apo edhe të Bajern Mynihut.
Sipas asaj që shkruan “The Mirror”, tani në garë për shërbimet e 23-vjeçarit, është futur edhe Mançester Junajtid, të cilët kanë dërguar njerëzit e tyre, për të folur me drejtuesit e Gremios.
Sulmuesi brazilian është shprehur se i pëlqen një transferim në Evropë, dhe vendimin për të ardhmen e tij do ta marrë pas pushimeve.
