Lukas Kardozo duket se nuk do të vazhdojë më me të kuqtë. Nga sa bëhet e ditur ai duket se do të luajë në Azerbajxhan. Nuk është ende zyrtare, por janë disa klube azere që kanë shprehur interes për brazilianin e të kuqve.
Kardozo ka mbyllur një vit e gjysmë me Partizanin, ndërsa është pjesë e të kuqve edhe aktualisht, madje dhe i federuar për ndeshjet europiane me Karabakun. Por, 25-vjeçari që ka luajtur në 12 ndeshje të sezonit të shkuar, pasi vinte edhe nga dëmtimi tashmë është vënë në “shënjestër” dhe pritet që të ndërrojë ambient.
Kardozo me shumë gjasa duket se do të luajë jashtë Shqipërisë dhe kjo pritet për t’u mësuar në ditët në vijim.